میرے ہم سایے کو مجھ سے جی چرانا آ گیا

میرے ہم سایے کو مجھ سے جی چرانا آ گیا
جب میں اس کے سامنے جیسا تھا ویسا آ گیا
مطمئن تھا پورے گھر میں روشنی بھر دوں گا آج
پہلا دیپک ہی جلا اور خود کا سایا آ گیا


پھر بتاؤں گا سبھی کو سر جھکانے کا ہنر
پہلے خود حیران ہو لوں یہ مجھے کیا آ گیا
چھونے کی ضد میں اسے محسوس کر پایا نہیں
پیاس ہی لے کر گیا تھا اور پیاسا آ گیا


کیا اندھیرا مٹ گیا سب نے فقط پوچھا یہی
کب کسی کو تھی تسلی دیپ زندہ آ گیا