mere makan se kash ye manzar dikhai de
By badiuzzaman-khawarOctober 8, 2023
mere makan se kash ye manzar dikhai de
hariyaliyon ke bich tera ghar dikhai de
chehra kisi ka chahe lage mahtab sa
jao na itne pas ki patthar dikhai de
us shakhs ko sadaon se pahchan jaiye
jis shakhs ka na jism na paikar dikhai de
aata hai aur kaun hawa ke siwa yahan
is dasht mein kahan se koi ghar dikhai de
tu meri zat mein kabhi jhanke to kya 'ajab
tere siwa na kuchh mere andar dikhai de
zakhmon ko nap leta hai kis tarh dekhiye
ye dil jo bahr-e-gham ka shanawar dikhai de
chal kar ab aise shahr mein kuchh din guzariye
'khawar' jahan na koi sukhanwar dikhai de
hariyaliyon ke bich tera ghar dikhai de
chehra kisi ka chahe lage mahtab sa
jao na itne pas ki patthar dikhai de
us shakhs ko sadaon se pahchan jaiye
jis shakhs ka na jism na paikar dikhai de
aata hai aur kaun hawa ke siwa yahan
is dasht mein kahan se koi ghar dikhai de
tu meri zat mein kabhi jhanke to kya 'ajab
tere siwa na kuchh mere andar dikhai de
zakhmon ko nap leta hai kis tarh dekhiye
ye dil jo bahr-e-gham ka shanawar dikhai de
chal kar ab aise shahr mein kuchh din guzariye
'khawar' jahan na koi sukhanwar dikhai de
30886 viewsghazal • English