محبت دوستوں شبنم بھی چنگاری بھی ہوتی ہے

محبت دوستوں شبنم بھی چنگاری بھی ہوتی ہے
تمہیں معلوم ہے تلوار دو دھاری بھی ہوتی ہے
ہر اک آواز پر رکنا سمجھ داری نہیں ہوتی
کوئی آواز آوازوں میں بازاری بھی ہوتی ہے


پرکھنا چاہتے ہیں وہ ہر اک رشتہ کی سچائی
بہت سے لوگ ہیں جن کو یہ بیماری بھی ہوتی ہے
اداکاری ہر اک انسان کے بس کی نہیں ہوتی
زیادہ دیر تک ہنسنے میں دشواری بھی ہوتی ہے


محبت پھول دے گی آپ کو تب ہوگا اندازہ
کہ دنیا میں کوئی شے اس قدر بھاری بھی ہوتی ہے