muddat pe mili TuT ke barsat hamari

muddat pe mili tut ke barsat hamari
phir 'ishq-musalle pe kati raat hamari
is bar bhi nafe mein zara mushk na nikla
is bar bhi bekar gai ghat hamari


hum masjid-o-mimbar ki zarurat se siwa the
dekhi nahin duniya ne karamat hamari
us raat to hum jism ke hujre se na nikle
us raat hui itni mudaraat hamari


is bar hai mehwar hi koi aur zamin ka
sardi hai na garmi hai na barsat hamari
hami na bhari 'ishq ke manshur pe us ne
bekar gai ye bhi mulaqat hamari


allah ke bandon ka wahi khauf hai dil mein
is bar bhi sajde mein kati raat hamari