Muddat Se Lapata Hai Khudaa Jaane Kya Hua

Muddat Se Lapata Hai Khudaa Jaane Kya Hua

Phirta Tha Ek Shakhs Tumhein Puchta Huaa




Wo Zindgi Thi Aap The Ya Koi Khwab Tha

Jo Kuch Tha Ek Lamhe Ko Bas Samna Hua




Hum Ne Tere Bagair Bhi Jee Kar Dikha Diya



Ab Ye Sawal Kya Hai Ki Phir Dil Ka Kya Hua


So Bhi Wo Tu Na Dekh Saki Ai Hawa-e-Dahar



Seene Mein Ik Charag Rakha Tha Jala Hua




Duniya Ko Zid Numaish-e-Zakhm-e-Jigar Se Thi

Fariyad Maine Kee Na Zamana Khafa Hua




Har Anjuman Mein Dhyaan Usi Anjuman Ka Hai

Jagaa Ho Jaise Khwaab Koi Dekhta Hua




Ye Iztiraab-e-Shauq Hai 'Akhtar' Ki Gum-Rahi



Main Apne Kaafile Se Hun Koson Badha Hua!