مجھے اپنی بزم حیات میں ابھی غم اٹھانے کا شوق ہے

مجھے اپنی بزم حیات میں ابھی غم اٹھانے کا شوق ہے
یہ تو اس دوانے کی بات ہے جسے ڈوب جانے کا شوق ہے
تری ہر نظر میں ہیں شوخیاں مری ہر نگاہ میں نرمیاں
تجھے زخم دینے کی عادتیں مجھے زخم کھانے کا شوق ہے


مرے دل پہ گرتی ہیں بجلیاں یوں نہ مسکرا جو کہا گیا
ترا یہ جواب کہ کیا کروں مجھے مسکرانے کا شوق ہے
مری زندگی کی یہ ریت تھی کہ قدم قدم مری جیت تھی
میں تو جیت جیت کے تھک چکا مجھے ہار جانے کا شوق ہے


مجھے مسجدوں میں نہ لے چلو مجھے مندروں سے الگ رکھو
ابھی حسن کے ہی حضور میں مجھے سر جھکانے كا شوق ہے