منہ میں جب تک زبان باقی ہے

منہ میں جب تک زبان باقی ہے
آپ کی داستان باقی ہے
تیر ترکش کمان باقی ہے
اس کا مطلب اڑان باقی ہے


آخری وقت ہے عبادت کا
بس محبت میں جان باقی ہے
جی نہیں لگ رہا پڑھائی میں
اور ابھی امتحان باقی ہے


وہ اسی پر پھراتا ہے نشتر
زخم کا جو نشان باقی ہے
چاہے ملبے کی شکل میں ہی سہی
تیرا میرا مکان باقی ہے


یار اسے اور ڈوب جانے دے
تھوڑا سا بادبان باقی ہے
لے تو سکتا ہوں نام قاتل کا
مسئلہ یہ ہے جان باقی ہے


ہم نتیجے کا انتظار کریں
یا ابھی امتحان باقی ہے