na jis ka koi sahaara ho wo kidhar jae
By aulad-ali-rizviOctober 27, 2020
na jis ka koi sahaara ho wo kidhar jae
na aae maut to be-maut kaise mar jae
main is khayal se un se gila nahin karta
kahin na phul se chehre ka rang utar jae
tu hi bata de mujhe be-kasi-e-manzil-e-shauq
jo rah se bhi na waqif ho wo kidhar jae
hazaron taur nahin chashm-e-marifat ke liye
jahan jahan teri moajiz-numa nazar jae
tajalliyat se mamur hai har ek zarra
bila-sabab na koi koh-e-tur par jae
na pi tu apne ye aansu mazaq mein 'saqi'
kahin na zahr mohabbat mein kaam kar jae
na aae maut to be-maut kaise mar jae
main is khayal se un se gila nahin karta
kahin na phul se chehre ka rang utar jae
tu hi bata de mujhe be-kasi-e-manzil-e-shauq
jo rah se bhi na waqif ho wo kidhar jae
hazaron taur nahin chashm-e-marifat ke liye
jahan jahan teri moajiz-numa nazar jae
tajalliyat se mamur hai har ek zarra
bila-sabab na koi koh-e-tur par jae
na pi tu apne ye aansu mazaq mein 'saqi'
kahin na zahr mohabbat mein kaam kar jae
38550 viewsghazal • English