نہ مجھ کو کبھی غم عطا کیجئے گا

نہ مجھ کو کبھی غم عطا کیجئے گا
قسم ہے خدا کی وفا کیجئے گا
خوشی ہی خوشی ہو مری زندگی میں
سلامت رہوں میں دعا کیجئے گا


کسے تھی خبر جس چمن میں خزاں ہے
اسے آپ پھر سے ہرا کیجئے گا
محبت محبت ارے ہاں محبت
کسی سے نہ میرے سوا کیجئے گا


ترس جائیے گا محبت کی خاطر
اگر ماں کو دل سے جدا کیجئے گا
فقط میں نہیں آپ بھی روئیں گے پھر
اگر ساتھ میرے دغا کیجئے گا


دکھایا ہے دل آپ کا سب نے موہکؔ
کسی سے نہ لیکن گلہ کیجئے گا