nai duniya nae manzar nae afkar mile
sab shajar naql-e-makani ke samar-bar mile

baad-e-hijrat tu hamein le ke jahan aai hai
in gali-kuchon mein insanon ke shahkar mile

khubsurat se kisi bar ke ek goshe mein
dil ki tanhai mitane ko kai yar mile

kahin kho jaane ka dukh ek haqiqat hi sahi
apni pahchan ke bhi nit-nae aasar mile

kab talak sar pe wirasat ki rida le ke chalen
kyun na ab hum ko koi saya-e-diwar mile