نام لکھنا ہے تو لکھنا مرا دیوانوں میں

نام لکھنا ہے تو لکھنا مرا دیوانوں میں
میرے ملنے کا پتہ پوچھنا ویرانوں میں
لے گیا جذبۂ الفت جو بیابانوں میں
صاف سنتا ہوں صدا یار کی اب کانوں میں


پارسا کوئی ہے درویش و فرشتہ کوئی
میں ہی اک رہ گیا انسان سا انسانوں میں
دیر و کعبہ میں تو ملتی ہے مجھے ناکامی
کامیاب ہوتا ہوں چاہت کے صنم خانوں میں


آج ہر کوئی مری بات پہ ہنستا ہے مگر
نام کل آئے گا میرا بھی سخن دانوں میں
تم مجھے ایک نظر پیار سے دیکھو ساقیؔ
پھر نئی جان سی آ جائے گی ارمانوں میں