nasib mein jis ke jo likha tha wo teri mahfil mein kaam aaya
kisi ke hisse mein pyas aai kisi ke hisse mein jam aaya

main ek fasana hun bekasi ka ye haal hai meri zindagi ka
na husn hi mujh ko ras aaya na ishq hi mere kaam aaya

badal gain teri manzilen bhi bichhad gaya main bhi karwan se
teri mohabbat ke raste mein na jaane ye kya maqam aaya

tujhe bhulane ki koshishen bhi tamam nakaam ho gai hain
kisi ne zikr-e-wafa kiya jab zaban pe tera hi nam aaya