nur ki barish ho yun dil ki gali mein ek bar

nur ki barish ho yun dil ki gali mein ek bar
kash takraen wo mujh se tirgi mein ek bar
haj bhi kar to jazba-e-ishq-o-wafa ke sath kar
ishq bhi haj ki tarah kar zindagi mein ek bar


phir hua yun us ka gham mere gale hi pad gaya
lag gaya tha wo gale yun hi khushi mein ek bar
zindagi-bhar ke ghamon mein ek hi gham hoga azim
paida hota hai mujaddid ek sadi mein ek bar


de chuka tark-e-talluq ke ishaare wo mujhe
guftugu mein barha aur khamoshi mein ek bar
hum bhi hain stage par maujud lekin ai 'nabil'
hum ko laya jaega bas raushni mein ek bar