pahle ek parda hamare samne Dala gaya

pahle ek parda hamare samne dala gaya
is tarah dilkash nazara aankh se tala gaya
mustaqil aankhon mein itni raushni dali gai
jis ki phir binai se binai ka haala gaya


chandni bhi tirgi mein tirgi se ja mili
jugnuon ko paikar-e-zulmat mein yun dhaala gaya
dil ke har goshe mein pahle ashk-e-khun boe gae
tab kahin ja kar dilon mein 'ishq ko pala gaya


jism ke sare 'anasir muntashir hone lage
jab mohabbat ko hisar-e-'aql se tala gaya
aakhirash jab raaz sare fash hone wale the
tab kahani mein naya kirdar ek dala gaya