pahle to dekha aankh-bhar usne

pahle to dekha aankh-bhar us ne
phir qalam kar diya tha sar us ne
sabr karta to chhaya bhi deta
jaldi kata hai ye shajar us ne


kuchh bacha bhi nahin gaya bhi nahin
is tarah luta mera ghar us ne
bolne ko abhi nahin pal bhi
ki kabhi baat raat-bhar us ne


jaanta hi nahin mujhe jaise
pher li is tarah nazar us ne
dhar raha hai wo tohmaten mujh par
pahle ki thi agar-magar us ne


mujh pe ilzam sau laga dekho
kar diya mujh ko namwar us ne
baat karta hai apne matlab se
kitna rakkha hai muntazir us ne


jaise kapde koi badalta hai
aise badle hain ham-safar us ne
tolta hai wo pyar daulat se
khud ko tola nahin magar us ne