پیار میں پاکیزگی تھی وہ زمانہ اور تھا

پیار میں پاکیزگی تھی وہ زمانہ اور تھا
جب محبت زندگی تھی وہ زمانہ اور تھا
ہر بشر کو غم اٹھانے میں مزہ آتا تھا جب
غم میں بھی اک تازگی تھی وہ زمانہ اور تھا


جام پر ہم جام پیتے تھے شراب ناب کے
اک مسلسل تشنگی تھی وہ زمانہ اور تھا
گھومتے تھے ہم بیابانوں میں گلشن کی طرح
کیا حسیں آوارگی تھی وہ زمانہ اور تھا


جستجوئے عشق میں رہتا تھا سرگرداں بہت
حسن میں جب سادگی تھی وہ زمانہ اور تھا
لطف تھا ساقیؔ ہماری زندگی میں جن دنوں
موت بھی اک زندگی تھی وہ زمانہ اور تھا