qadam ke sath ajab ek qadam laga hai miyan mere wajud ke pichhe adam laga hai miyan baja ki ek hai girye mein girya-e-yaqub mujhe to daman-e-yusuf bhi nam laga hai miyan kuchh aur chahiye wusat use ba-qadr-e-nazar ye aaina meri hairat ko kam laga hai miyan gar aaine ko lage wo bhi zang ho jae wo rog hum ko khuda ki qasam laga hai miyan tumhi batao ki hum kya karen ba-juz sajda tumhein khuda to hamein wo sanam laga hai miyan