قمرؔ ہاں میں بدلی نہیں رفتہ رفتہ

قمرؔ ہاں میں بدلی نہیں رفتہ رفتہ
کہ ہم سے کھلا وہ حسیں رفتہ رفتہ
گلی میں ٹہلنے کو نکلا تھا کل وہ
مکانوں سے نکلے مکیں رفتہ رفتہ


مزہ کچھ تو آئے بچھڑنے کا ہم کو
بڑھا چاہ اے ہم نشیں رفتہ رفتہ
سو اک ایک منکر نے رکھ دی بالآخر
ترے آشیاں پر جبیں رفتہ رفتہ


کسی کا نہ احساں اٹھایا کہ ہم تو
ہوئے خاک اپنے تئیں رفتہ رفتہ
ہوا تیر پیوست جاں دھیرے دھیرے
ہوئی آنکھ وہ سرمگیں رفتہ رفتہ


چلے برق رفتاری سے سوئے افلاک
کیا آسماں کو زمیں رفتہ رفتہ