قریب آنے لگے ہیں دور کے دن

قریب آنے لگے ہیں دور کے دن
وہی جی ہاں ہمیں منظور کے دن
غلط اوقات میں نازل ہوئے ہم
فرشتوں کی ہیں راتیں حور کے دن


زبانیں کاٹ کر سمجھایا اس نے
یہ ہیں سلطانیٔ جمہور کے دن
وہ اٹھتے کیوں نہیں سجدے میں ہیں جو
گئے کیا سرمد و منصور کے دن


مکمل چھوٹ ہے نشتر زنی کی
مبارک ہوں نئے ناسور کے دن
اکڑتے تھے بہت لو آ گئے نا
نئے چنگیز اور تیمور کے دن


ملی ایمان کی منہ مانگی قیمت
بڑا ماتم ہوا مسرور کے دن