قربتوں میں کوئی راحت نہ کسی دوری میں

قربتوں میں کوئی راحت نہ کسی دوری میں
جان ہلکان ہوئی عشق کی مزدوری میں
تجھ سے اب کوئی توقع نہیں پر بیٹھے ہیں
ہم ترے سایۂ دیوار کی مجبوری میں


ایک بیمار تمنا کا سہارا لے کر
تجھ تلک چلتے ہوئے آئے ہیں معذوری میں
دیکھنے والوں نے یک جان سمجھ رکھا تھا
اور ہم ساتھ نبھاتے رہے مجبوری میں


تم نے اس بات کی گر اوس سے اجازت چاہی
عمر لگ جائے گی اس بات کی مجبوری میں
ان دنوں شہر کی کچھ ایسی فضا ہے کہ جمالؔ
گھر سے جاتے ہیں نکل کر بڑی مجبوری میں