rafiq dost muhib mujhko shaq sab hi the

rafiq dost muhib mujh ko shaq sab hi the
agarche kahne ko ye ham-mazaq sab hi the
main imtihan ki copy ko sada chhod aaya
dimagh mein to siyaq-o-sabaq sab hi the


tamam raat raha dil mein habs ka manzar
khule hue to dar-e-ishtiyaq sab hi the
usi mahal se thi wabasta shahr ki azmat
shikasta yun to dar-o-baam-o-taq sab hi the


hamara ganw fasadon ki zad se dur raha
agarche log shararat mein taq sab hi the