ruKH pe zulfon ki jo un ke ye ghaTa chhai hai

rukh pe zulfon ki jo un ke ye ghata chhai hai
ru-e-taban pe chamak aur ubhar aai hai
kis ne ra'nai-e-jalwe pe nazar dali hai
laiq-e-did teri raunaq-o-zebai hai


tu wo hasti to nahin hai ki bhula dun dil se
mujh ko har dam shab-e-furqat teri yaad aai hai
raunaq-e-bazm tere dam hi se hai ai saqi
wah kya khub teri anjuman-arai hai


ye mahakti hui khushbu ye chaman ki raunaq
aap ke dam se chaman mein ye bahaar aai hai
khud wo aate bhi nahin mujh ko bulate bhi nahin
qabil-e-did mera ‘alam-e-tanhai hai


dil lagana bhi musibat hai kisi se 'basir'
ye haqiqat mere dil ne mujhe samjhai hai