sabab kya puchhte ho ishq ki aashufta-haali ka

sabab kya puchhte ho ishq ki aashufta-haali ka
diwana hai kisu dilbar ki waz-e-laubaali ka
bhara hai shahd kanon mein samaat ki halawat se
kahun kya zaiqa shirin-dahan ki khush-maqali ka


teri aankhon ke aage ro ke aah-e-sard bharta hun
ki nit hai zauq maston ko hawa-e-barshagali ka
dil-e-be-tab jiyun simab-hasrat se tadapta hai
ada se jab lahakta hega moti us ki baali ka


kiya hun ishq mein tarif us mah-ru ke abru ki
har ek misra hai mera rashk diwan-e-hilali ka