sabhi qissa kahani ka bura anjam hota hai

sabhi qissa kahani ka bura anjam hota hai
mohabbat chhut jae to mohabbat nam hota hai
zamane-bhar ki ruswai utha leta hai kandhe par
batao is tarah bhi dil kahin badnam hota hai


wo mera haal kya jaane hai mera haal jaane kya
main bilkul mutmain hun ye mahaz ilzam hota hai
mohabbat puchh ke to ki nahin jati zamane mein
khata jo dil ye kar baithe tamasha 'am hota hai


mohabbat pa ke patthar dil agar badla nahin tera
to phir us be-murawwat ka to behis nam hota hai