samne wale ko halka jaan kar bhaari hain aap

samne wale ko halka jaan kar bhaari hain aap
aap ka me'yar dekha kitne me'yari hain aap
sare dariya sab samundar muntazir hain aap ke
jaiye bahiye meri aankhon se kyon jari hain aap


uf talak karte nahin zill-e-ilahi ke khilaf
aap ko darbar ki 'adat hai darbari hain aap
aap ki aazadiyan hain aap hi ke hath mein
jis pe qudrat bhi hai nazan wo giraftari hain aap


jism ke pinjre mein le kar ghumiye nannhi si jaan
chand sanson ki mere pyare adakari hain aap