شدت سے مجھ سے ہاتھ چھڑانے کے باوجود

شدت سے مجھ سے ہاتھ چھڑانے کے باوجود
تھوڑا سا رہ گیا ہے وہ جانے کے باوجود
اپنے سفر کے وقت میں تنہا ہی رہ گیا
اک عمر دوستوں پہ لٹانے کے باوجود


کوئی سوال زندگی کا ہل نہیں ہوا
پڑھنے میں ساری عمر گنوانے کے باوجود
اپنا ہم ایک شخص اکٹھا نہ کر سکے
اپنوں کے بیچ شور مچانے کے باوجود


لیلیٰ نہیں ملی سو میں مجنوں نہ بن سکا
صحرا میں خوب خاک اڑانے کے باوجود
حیرت ہے میرے ہاتھ سلامت ہیں اب تلک
شعلہ بدن کو ہاتھ لگانے کے باوجود