shiraaz ki mai marw ke yaqut sambhaale

shiraaz ki mai marw ke yaqut sambhaale
main koh-e-damawand se aa pahuncha himale
howe to rahe shisha-o-ahan ki hukumat
kansi ki meri tegh hai mitti ke pyale


har shakhs ba-andaz-e-digar wasil-e-shak tha
uttha main teri bazm se iqan sambhaale
ab ishq-e-nawardi hi thikane se lagae
sho'la na jalae mujhe girdab uchhaale


hone ki khabar bhi na tera hijr-zada de
bhar lewe kabhi aah kabhi sham' jala le
bose ka talazzuz ho kabhi tauf ki rahat
arman mera ye dil-e-kafir bhi nikale


ibham ke reshon se bana bagh-e-takhayyul
ho jae kabhi chashm-e-tahayyur ke hawale