sitam-rasida hun mujh par wo irtikaz kare

sitam-rasida hun mujh par wo irtikaz kare
pa-e-visal manahi ka tuk jawaz kare
siyah raat judai ka zakhm de jae
sarir-e-khama sadaon se dil-gudaz kare


nigah-e-dil ko use dekhne ki jaldi hai
'alattamam na aae pa nim-baz kare
use kaho na kare un pe mudda'a zahir
use kaho ki raqibon se ehtiraaz kare


use kaho ki ta'alluq mein mukhlisi barte
wafa-sarisht-o-farebi mein imtiyaz kare
meri talab to bas itni hai mohtasib sahib
meri taraf bhi wo pal ko nigah-e-naz kare