ستم رسیدہ ہوں مجھ پر وہ ارتکاز کرے

ستم رسیدہ ہوں مجھ پر وہ ارتکاز کرے
پئے وصال مناہی کا ٹک جواز کرے
سیاہ رات جدائی کا زخم دے جائے
صریر خامہ صداؤں سے دل گداز کرے


نگاہ دل کو اسے دیکھنے کی جلدی ہے
علی التمام نہ آئے پہ نیم باز کرے
اسے کہو نہ کرے ان پہ مدعا ظاہر
اسے کہو کہ رقیبوں سے احتراز کرے


اسے کہو کہ تعلق میں مخلصی برتے
وفا سرشت و فریبی میں امتیاز کرے
مری طلب تو بس اتنی ہے محتسب صاحب
مری طرف بھی وہ پل کو نگاہ ناز کرے