sitaro tum to so jao hamin diwane jagenge

sitaro tum to so jao hamin diwane jagenge
shab-e-furqat mein begane na jage hain na jagenge
tamanna dil-nawazi ki bil-akhir rang laegi
tumhaari aarzu kar ke faqat mastane jagenge


na saqi se na saghar se na mai se aur na mina se
faqat ek tishnagi ke dam se hi mai-khane jagenge
hawas jine ki hai jin ko na jagenge wo jite ji
jinhen marne ka khatka hai wahi farzane jagenge


gira kar ashk aankhon se na ho ruswa zamane mein
na ye begane jage hain na ye begane jagenge