subh se thoda idhar aur gai raat ke baad
laut aaya hun darakhton se mulaqat ke baad

ishq mein rang nahin nasl nahin shajra nahin
us ka aaghaz hai in sab ke mazafat ke baad

abr barse to khil uthti hai zamin ki khushbu
khushiyan milti hain hamesha kai sadmat ke baad

lutf hai mangne mein is liye hum mangte hain
hum ko matlab nahin kya hoga munajat ke baad

baat hairat ki to ye hai ke badal jati hai
meri auqat tere hijr ke auqat ke baad