suragh mujh se milega na raunaq-e-shab ka charagh to hun magar bujh chuka hun main kab ka kahun zamin to wo aasman samajhta hai kabhi khula hi nahin aadmi hai kis dhab ka ajib dhang se thi justaju-e-zist mujhe piyala jaise koi tishna garmi-e-lab ka khayal-e-yar ke parde mein ranj-e-duniya tha suna gaya hai kuchh aisa hi qissa hum sab ka uthe jo mahfil-e-duniya se to hua malum ki daghdar hai daman yahan to hum sab ka kiya hai jis ne mujhe dar-ba-dar wo 'ghafil' hai ki main waraq hun isi aalam-e-murattab ka