surKH-rui to de ru-siyahi na de
By hassaan-arfiOctober 31, 2020
surkh-rui to de ru-siyahi na de
mere allah ahd-e-tabahi na de
kar de aankhon ko nur-e-basirat ata
kam-nigahi na de kam-nigahi na de
dil na fakhr-o-takabbur se aaluda ho
taj-e-shahi na de takht-e-shahi na de
de khulus-o-wafa ka jo ho aaina
bughz-o-kina bhara dil ilahi na de
dur nazron se hai sahil-e-muddaa
kashti-e-jaan ko sail-e-tabahi na de
main ne qarun ki daulat na mangi kabhi
itni ghurbat bhi lekin ilahi na de
gar tu 'hassan' chahe raza-e-khuda
dushmanon ko bhi ranj-o-tabahi na de
mere allah ahd-e-tabahi na de
kar de aankhon ko nur-e-basirat ata
kam-nigahi na de kam-nigahi na de
dil na fakhr-o-takabbur se aaluda ho
taj-e-shahi na de takht-e-shahi na de
de khulus-o-wafa ka jo ho aaina
bughz-o-kina bhara dil ilahi na de
dur nazron se hai sahil-e-muddaa
kashti-e-jaan ko sail-e-tabahi na de
main ne qarun ki daulat na mangi kabhi
itni ghurbat bhi lekin ilahi na de
gar tu 'hassan' chahe raza-e-khuda
dushmanon ko bhi ranj-o-tabahi na de
44585 viewsghazal • English