tanha shajar ke dard ka ehsas de gaya

tanha shajar ke dard ka ehsas de gaya
ek shakhs mujh ko jism ka ban-bas de gaya
lab-ha-e-nilgun pe hain us ki amanaten
jate labon ka jauhar-e-almas de gaya


jis mein kabhi bhi aks ki kirchen nahin rahin
tuta hua wo shisha-e-ehsas de gaya
ab tak hai mere hathon mein khushbu rachi hui
maslub ho ke phul bahut bas de gaya


ek rud-e-bewafai mein mujh ko baha ke aaj
saton-samundaron ki koi pyas de gaya
ek na-murad ufuq pe hai kohre ka chand sa
kaisi 'musawwir' aas wo be-as de gaya