tanz ke tir-o-nashtar is par komal aur rasile hont jin ka mara mang na pae pani wo zahrile hont mujh ko dilase dene wale pahle apna haal to dekh champai aariz utra chehra suni aankhen pile hont jaan gae ai shokh tujhe ai ahd-shikan pahchan gae kahti hai kuchh aur hi chitwan lakh tarashen hile hont mai ki mazammat aur janab-e-shaikh phir is chatkhare se ral yaqinan tapki hogi warna kyon hain gile hont dil par khanjar chale 'mubarak' lekin tu fariyaad na kar zabt-e-mohabbat ka hai taqaza is mahfil mein si le hont