tare shumar karte hain ro ro ke raat bhar
khairaat-e-husn dijiye hum ko zakat bhar

dekho hamara sabr ki hum ne nahin piye
aansu hamare pas pade the furaat bhar

sharminda ho rahi hain wafadariyan agar
zambil-e-e'tibar mein kuchh mumkinat bhar

rahmat jo teri bakhsh de hum ko to bakhsh de
palle mein apne kuchh bhi nahin hai najat bhar

wo beta fatiha bhi nahin padhta qabr par
jagi thi jis ke waste man raat raat bhar