tashaffi-baKHsh hai KHud be-qarari be-qararon ki
By sarahat-ahmad-sarahatJanuary 4, 2024
tashaffi-bakhsh hai khud be-qarari be-qararon ki
mohabbat ki 'ata hai har masarrat gham ke maron ki
nashat-e-zindagi insan ki gar be-lutf ho jae
agar khul jae duniya par haqiqat gham ke maron ki
rawabit bhi barabar kaam karte hain sahaaron ka
kinaron tak hamein le jaegi nisbat kinaron ki
khitab-e-be-sada kahte hain un ke har ishaare ko
kai tafsiren ho sakti hain ab un ke ishaaron ki
gulon se khar bhi lipte hue rahte hain gulshan mein
khizan ki parwarish hoti hai daman mein bahaaron ki
mohabbat ki 'ata hai har masarrat gham ke maron ki
nashat-e-zindagi insan ki gar be-lutf ho jae
agar khul jae duniya par haqiqat gham ke maron ki
rawabit bhi barabar kaam karte hain sahaaron ka
kinaron tak hamein le jaegi nisbat kinaron ki
khitab-e-be-sada kahte hain un ke har ishaare ko
kai tafsiren ho sakti hain ab un ke ishaaron ki
gulon se khar bhi lipte hue rahte hain gulshan mein
khizan ki parwarish hoti hai daman mein bahaaron ki
62544 viewsghazal • English