تری آمد کی لاگت بڑھ رہی ہے

تری آمد کی لاگت بڑھ رہی ہے
ہمارے گھر کی قیمت بڑھ رہی ہے
بنا کوشش کے وسعت بڑھ رہی ہے
مرے شعروں میں حیرت بڑھ رہی ہے


وہ جاتے وقت مڑ کر دیکھتا ہے
مری جانب محبت بڑھ رہی ہے
پرانے درد گھٹتے جا رہے ہیں
دواؤں کی ضرورت بڑھ رہی ہے


اپاہج بچے پیدا ہو رہے ہیں
میاں خوش ہیں کہ امت بڑھ رہی ہے
مری آنکھوں میں کچھ ہونے لگا کیا
تری آنکھوں میں حیرت بڑھ رہی ہے


کسی کا آنا جانا گھٹ رہا ہے
امانت میں خیانت بڑھ رہی ہے