teri aankhon mein ek mubham fasana DhunDh hi lega

teri aankhon mein ek mubham fasana dhundh hi lega
dil-e-barbaad jine ka bahana dhundh hi lega
ye duniya hai yahan har aabgina tut jata hai
kahin chhupte phiro aakhir zamana dhundh hi lega


kisi ka naqsh-e-pa to mil hi jaega jo aankhen hain
agar sar hai to koi aastana dhundh hi lega
kahin to umr bhar ki be-qarari le hi jaegi
koi dasht-e-junun tera diwana dhundh hi lega


'jamil' ek gham-e-farosh-e-wadi-e-ghurbat sahi lekin
tumhaare shahar mein koi thikana dhundh hi lega