teri har baat pe tanqid nahin kar sakta

teri har baat pe tanqid nahin kar sakta
han magar jhut ki taid nahin kar sakta
tu agar jaan bhi mange to khushi se de dun
main tere hukm ki tardid nahin kar sakta


aakhiri 'ishq kiya main ne magar pahli bar
dusri bar ye tafrid nahin kar sakta
main ne dekha hai badalta hua lahja tera
is liye tujh se to ummid nahin kar sakta


tu ne is haal mein chhoda hai ki allah allah
'id ka din hai magar 'id nahin kar sakta
ye alag baat sukhanwar hun main 'adil-rahi'
dard itne hain ki taswir nahin kar sakta