تیری پرچھائیاں ہی ساتھ رہیں

تیری پرچھائیاں ہی ساتھ رہیں
میری تنہائیاں ہی ساتھ رہیں
کھو گئے یار جانب منزل
آبلہ پائیاں ہی ساتھ رہیں


نہ رہے وہ نقوش چہرے کے
نہ وہ رعنائیاں ہی ساتھ رہیں
بڑھ گئے لوگ شادماں اور ڈھول
صرف شہنائیاں ہی ساتھ رہیں


نیلگوں بے کراں سمندر میں
اور گہرائیاں ہی ساتھ رہیں
حوصلہ شل کبھی ہوا نہ مرا
گو کہ پسپائیاں ہی ساتھ رہیں


نام تو ایک جا ہوئے اپنے
چاہے رسوائیاں ہی ساتھ رہیں