tez aandhiyon ke sath guzara hua mera

tez aandhiyon ke sath guzara hua mera
pahna zamin ne jism utara hua mera
dekh aasman tere sitare kahin nahin
lekin chamak raha hai sanwara hua mera


tum bhi palat ke aaoge wahshi sada ke sath
rukta hai kitni der pukara hua mera
ek qatl se nimat ke bahut khush hua tha main
phir mujh mein ji utha wahi mara hua mera


tere siwa yaqin ke laiq koi nahin
is e'timad mein bhi khasara hua mera
muddat ke ba'd khud pe hua apna ikhtiyar
jo kuchh jahan mein tha tumhaara hua mera