thak ke baiThun to mujhe rasta nazar aaega
By maqsood-wafaNovember 5, 2020
thak ke baithun to mujhe rasta nazar aaega
sham is dasht mein guzregi to ghar aaega
soch kar meri mohabbat mein qadam rakhna tum
is se aage to bahut lamba safar aaega
muntazir aankhen kisi taq mein bujh jaengi
koi hoga hi nahin koi agar aaega
sikh jaunga tere baad bhi jina lekin
mujh ko ai dost tere hijr se dar aaega
mujh tak aate hue duniya use rokegi bahut
ruk bhi jaega kisi rah mein par aaega
umr ke din to isi aas mein kat jate hain
raat dhal jaegi aur waqt-e-sahar aaega
waqt ki qaid se aazad mah-o-sal se dur
ek zamana hai ki jo bar-e-digar aaega
sham is dasht mein guzregi to ghar aaega
soch kar meri mohabbat mein qadam rakhna tum
is se aage to bahut lamba safar aaega
muntazir aankhen kisi taq mein bujh jaengi
koi hoga hi nahin koi agar aaega
sikh jaunga tere baad bhi jina lekin
mujh ko ai dost tere hijr se dar aaega
mujh tak aate hue duniya use rokegi bahut
ruk bhi jaega kisi rah mein par aaega
umr ke din to isi aas mein kat jate hain
raat dhal jaegi aur waqt-e-sahar aaega
waqt ki qaid se aazad mah-o-sal se dur
ek zamana hai ki jo bar-e-digar aaega
27673 viewsghazal • English