tu mere samne hansta bhi hai rota bhi hai

tu mere samne hansta bhi hai rota bhi hai
kya tere dil mein koi mere 'alawa bhi hai
mera dil takht-e-sulaiman bhi hai mere liye
ba'z logon ke liye ek khilauna bhi hai


tark-e-ulfat se bhi banjar na hui dil ki zamin
hijr tera meri aankhon se chhalakta bhi hai
main ne bakhsha tha tujhe zo'm hasin hone ka
thoda sa haq to tere husn pe mera bhi hai


hijr aur wasl ke dorahe pe maujud hun main
puchhna ye tha koi tisra rasta bhi hai
roz kuchh phul dariche mein dhare milte hain
kya 'umair' apna koi chahne wala bhi hai