tu meri khoi nishani ke siwa kuchh bhi nahin

tu meri khoi nishani ke siwa kuchh bhi nahin
main teri yaad-dahani ke siwa kuchh bhi nahin
band kamron mein makin sote hain aur aangan mein
mere aur raat ki rani ke siwa kuchh bhi nahin


ye tujhe ek nazar dekhne walon ka hujum
meri na-pukhta-bayani ke siwa kuchh bhi nahin
jo utarta hai wo bahta hi chala jata hai
goya dariya mein rawani ke siwa kuchh bhi nahin


jitne chehre hain wo mitti ke banae hue hain
jitni aankhen hain wo pani ke siwa kuchh bhi nahin