تجھ سے وابستہ شاعری کے بغیر

تجھ سے وابستہ شاعری کے بغیر
کچھ نہیں میں تری کمی کے بغیر
ہے بڑا کام با وفا رہنا
بے وفائی کی تازگی کے بغیر


تم تو پہچاننا ہی بھول گئے
لمس کو میرے روشنی کے بغیر
شکریہ آپ کی محبت کا
میں بہت خوش ہوں اس خوشی کے بغیر


کیا بتاؤں مجھے وہ کیسا لگا
جانی پہچانی بے رخی کے بغیر
ویسے مشکل تو میری عام سی ہے
حل نہیں ہوگی خود کشی کے بغیر


میں تجھے کیسے جان سکتا تھا
تیرے دشمن سے دوستی کے بغیر