تم سونے چاندی کی کان اور لوہا لکڑ ہم

تم سونے چاندی کی کان اور لوہا لکڑ ہم
تم وجہ آرائش دنیا انگڑ بنگڑ ہم
تم نکلو تو پھول کھلیں ہم نکلیں تو مرجھائیں
تم باغوں کی باد بہاری لو کے جھکڑ ہم


باغ بہشت کو ٹھوکر ماری عشق کیا بھرپور
ہوا دیکھ وہی تیرے کل والے پھکڑ ہم
ہم ہیں کہاں کے کیوں آئے ہیں کرنا ہے کیا کام
دنیا کے بازار میں گم صم مہا بھلکڑ ہم


ہوش میں آنے مت دینا ورنہ مر جائیں گے
تم نشے کا سر چشمہ اور ایک پیکڑ ہم
یہ احساسؔ میاں اندر سے بالکل بچے ہیں
ساتھ میں ان کے کھیل رہے ہیں اکڑ بکڑ ہم