تمہارے بارے میں مجھ سے سوال کرتے ہوئے

تمہارے بارے میں مجھ سے سوال کرتے ہوئے
گزر نہ جائے یہ رت بھی ملال کرتے ہوئے
پرانے زخم کہیں پھر نہ مسکرا اٹھیں
میں ڈر رہا ہوں تعلق بحال کرتے ہوئے


کسی نے رات کی سرگوشیاں سنی ہی نہیں
چراغ بجھ گئے سب عرض حال کرتے ہوئے
بتا گئے ہیں کسی کو تڑپ مرے دل کی
فنا ہوئے ہیں یہ آنسو کمال کرتے ہوئے


مجھے سفر کی دعاؤں کے ہار پہنا کر
پلٹ گیا کوئی آنکھیں نڈھال کرتے ہوئے