تم نے گر مجھ کو کبھی دل سے پکارا ہوتا

تم نے گر مجھ کو کبھی دل سے پکارا ہوتا
پھر بلندی پہ محبت کا ستارا ہوتا
میرے ہاتھوں میں اگر ہاتھ تمہارا ہوتا
کتنا دل کش وہ مری جان نظارا ہوتا


بس تخیل ہے تری یاد ہے تنہائی ہے
کاش ایسے میں مجھے تو نے پکارا ہوتا
اپنے محبوب کی بس ایک جھلک پانے کو
یار بے چین کبھی دل نہ ہمارا ہوتا


تو جو مل جاتا تو مل جاتیں جہاں کی خوشیاں
تیرا ہر ظلم و ستم مجھ کو گوارہ ہوتا
تشنگی ہونٹوں پہ ہوتی نہ نمی آنکھوں میں
وقت آخر جو اگر ساتھ تمہارا ہوتا