udas sham ki tanhaiyon mein jalta hua wo kash aae kabhi mere pas chalta hua shab-e-firaq ne mismar sare khwab kiye koi to muzhda sunae ye din nikalta hua hai kya ajab ki kabhi chand bhi andheron mein sukun talash kare zawiye badalta hua mere masiha khuda aaj tera rakkhe bharam nazar mujhe nahin aata ye ji bahalta hua main raushni ke nagar mein padaw khak karun dara raha hai mujhe apna saya dhalta hua